O profesor Jianbo Xiao, investigador “Ramón y Cajal” na Universidade de Vigo (Facultade de Ciencias, campus de Ourense), foi recoñecido en 2024 como o científico máis citado da UVigo e ocupa o posto 771 a nivel mundial no ranking World’s Top 2% Scientist.
Ao longo de 2024, as súas publicacións recibiron 7.703 citas (sen autocitas), situándose como o terceiro investigador máis citado do mundo en Nutrición e Dietética. O seu labor desenvólvese na área de Nutrición e Bromatoloxía, dentro do Instituto de Agroecoloxía e Alimentación e do grupo de investigación AA1 Investigacións Agrarias e Alimentarias.